[prenta uppsett í dálka] 23. fundur, 125. lþ.
Lúðvík Bergvinsson (andsvar):
Virðulegi forseti. Þetta var sæmilega skýrt hjá hv. þm. en ég held að hann eigi ekki að gera lítið úr því þó bent hafi verið á að ekki hafi verið talað einum rómi á þessu sviði.
Ég skil hv. þm. svo að í vinnu hv. samgn. komi til álita að falla frá því meginmarkmiði sem lýst er í frv. Ég tel, virðulegi forseti, þau viðhorf sem hv. þm. talaði fyrir áðan koma mjög til álita. Ég tel vel þess virði að skoða þau atriði og jafnvel nauðsynlegt ef tryggja á samkeppni á þessu sviði. Ég tek undir með hv. þm. og mun aðstoða hann við þann möguleika.
