Hjálmar Árnason (andsvar):
Herra forseti. Ég þakka fyrir ágætt boð hv. þm. um aðstoð. Ég veit að hann mun ekki liggja á liði sínu í þessu máli frekar en öðrum í málefnalegri umræðu. Ég vil aðeins vekja athygli á því að markmið frv. eru mörg og í stuttri ræðu minni reyndi ég að draga fram meginmarkmiðin sem ég sé í þessu ágæta frv. Hv. þm. freistast til að taka aðeins einn þáttinn af mörgum út úr en ég hlakka til að vinna með honum að þessu mikla framfaramáli.