Lúðvík Bergvinsson (andsvar):
Virðulegi forseti. Kannski er ekki miklu við þetta að bæta. Hins vegar er ljóst að hér er á ferðinni álit lögbærs yfirvalds í málinu. Þess er farið á leit að samgrh. fari eftir því áliti, þ.e. þetta er bara í samræmi við þær leikreglur sem hér gilda. Í stað þess að fara eftir álitinu er kölluð til önnur ráðherraskipuð nefnd í því skyni að endurskoða álit þess sem fer með þetta mál.
Virðulegi forseti. Ég ítreka enn og aftur að vinnubrögð af þessum toga eru fjarri því að vera í samræmi við þær leikreglur sem við viljum viðhafa í samfélagi okkar.