Árni Gunnarsson (andsvar):
Hæstv. forseti. Ég stend við það sem ég segi og mína skoðun. Við skulum þá bara vera ósammála um að mér finnst ákaflega eðlilegt að ráðuneytin og ráðherrarnir hafi þetta vald.
Varðandi skuldabréfaflutninginn á milli deildarinnar á Sauðárkróki og Íbúðalánasjóðs á Suðurlandsbraut þá er nú einu sinni unnið með þessi skuldabréf á rafrænu formi. Hins vegar eru frumritin geymd og einungis tekin fram þegar gera þarf skilmálabreytingar á bréfunum. Ég vil spyrja hv. þm. Mörð Árnason: Hver er eðlismunurinn á því að flytja bréf með bifreið á milli húsa í Reykjavík eða Kópavogi og að flytja bréf með bifreið frá Sauðárkróki til Reykjavíkur?