[prenta uppsett í dálka] 25. fundur, 125. lþ.
Árni Steinar Jóhannsson:
Virðulegi forseti. Ég vil upplýsa hæstv. iðnrh. um að mjög margir á svæðinu hafa einmitt áhyggjur af því að verið sé að vinna málið fram með þeim hætti að það verði gert eins og í fyrri verkefnum, að komið verði með fullbúnar tillögur og almenningi á svæðinu síðan sagt að það sé of seint að snúa við. Getur það verið tilfellið í þessu tilviki að hér eigi að koma með fullbúnar tillögur á sama hátt og gert hefur verið áður að benda hinum almenna borgara á svæðinu á að það sé of seint að gera athugasemdir?
