Ögmundur Jónasson (andsvar):
Herra forseti. Ég þarf enga eina mínútu. Hv. þm. Steingrímur J. Sigfússon svaraði fyrir sig fyrr í umræðunni í dag. Ég tek undir það með hæstv. ráðherra að það er ekkert óeðlilegt að menn skipti um skoðun ef því er að skipta. Við höfum ekki skipt um skoðun í þessu máli. Við höfum mjög skýra stefnu. Ég gerði grein fyrir henni í máli mínu í dag. Ég gerði grein fyrir þeirri stefnu þegar þáltill. okkar var rædd í vor og við gerðum það einnig á síðasta kjörtímabili.