Iðnaðarráðherra (Finnur Ingólfsson) (andsvar):
Herra forseti. Þegar hv. þm. Kolbrún Halldórsdóttir ásamt fleiri þingmönnum Vinstri hreyfingarinnar lögðu fram till. til þál. þá var enginn efi í þeirra huga að allar lagaheimildir væru til staðar því að í tillögutexta hv. þingmanna stendur:
,,Alþingi ályktar að skora á ríkisstjórnina að láta fara fram mat samkvæmt lögum nr. 63/1993 á umhverfisáhrifum fyrirhugaðrar Fljótsdalsvirkjunar, þrátt fyrir að virkjunarleyfi hafi verið veitt.``
Síðan segir á 3. síðu þessar sömu tillögu:
,,Vegna þessa ákvæðis [þ.e. bráðabirgðaákvæðisins] og virkjunarleyfis sem gefið var út 1991 virðist að óbreyttu ekki lagaskylda að láta fara fram mat á umhverfisáhrifum Fljótsdalsvirkjunar, nema til komi breytingar á virkjunartilhögun.``
Málflutningurinn er allur svona, því miður.