Kolbrún Halldórsdóttir:
Virðulegi forseti. Þetta er athyglisvert mál sem hér er hreyft og fróðlegar upplýsingar sem komu fram bæði hjá hv. málshefjanda, hæstv. umhvrh. og hv. þm. sem talaði á undan mér.
Ég vil gjarnan fá að vita örlítið meira hjá þeim sem betur vita, hæstv. ráðherra eða þingmönnunum sem hér hafa talað: Hvað með blýið sem fer út í náttúruna? Er eitthvað gert til að koma í veg fyrir þá mengun? Er sú mengun veruleg og hvað er til ráða í þeim efnum? Það er það sem veldur mér örlitlum áhyggjum bara af að hlusta á umræðuna.