Tómas Ingi Olrich (andsvar):
Herra forseti. Það er ekkert því til fyrirstöðu að menn taki upp nýjan lífsstíl strax á morgun. Lífsstíll okkar Íslendinga, eins og við höfum mótað hann og mér sýnist menn vilja lifa þannig hér, byggist á mikilli eyðslu og m.a. á málmum. Það er vart hægt að hugsa sér hann öðruvísi.
Ég vil vara við því að menn reki mál sitt eins og þeir lifi í öðrum heimi en þessum eyðsluheimi. Ég legg áherslu á að þeir þingmenn sem hér tala um umhverfismál séu sjálfum sér samkvæmir og geri sér grein fyrir því hvernig þeirra eiginn lífsstíll hefur áhrif á umhverfið.