Ásta R. Jóhannesdóttir (andsvar):
Herra forseti. Ég mun bíða seinni ræðu hæstv. ráðherra. En það er annað sem ég hefði einnig viljað fá svar við og a.m.k. var spurt um í tvígang hér í umræðunni. Það var hvort áform séu uppi um að hækka stífluna við Eyjabakka eða í Fljótsdalsvirkjun um 3--4 metra eftir að framkvæmdir eru hafnar. Verður, til þess að losna við að láta virkjuna fara í umhverfismat nú, sú ákvörðun tekin á síðari stigum framkvæmda? Þetta var reyndar útskýrt nánar í lengra máli í a.m.k. tveimur ræðum hér á undan.