Svanfríður Jónasdóttir (andsvar):
Herra forseti. Það er eðlilegt að hv. þm. Jón Kristjánsson sé stoltur og ánægður yfir því að nefndasviðið skuli vera búið að taka tæknina í sína þjónustu. Við erum öll heldur ánægð. Á bls. 2 þess þingskjals sem að við erum að fjalla um, þ.e. athugasemdir við tillögugreinina, segir, með leyfi forseta:
,,Þá er og á þennan hátt tryggð aðkoma almennings að málinu því að almenningi gefst nú kostur á að koma sjónarmiðum sínum á framfæri við þingnefndina við hina þinglegu meðferð málsins.``
Þess vegna vil ég spyrja hv. þm.: Er auglýsing iðnn. á netfanginu sínu til þess að almenningur geti pantað tíma hjá nefndinni svo hann geti komið sjónarmiðum sínum á framfæri, samanber það sem segir hér í greinargerðinni?