[prenta uppsett í dálka] 29. fundur, 125. lþ.
Jón Kristjánsson (andsvar):
Herra forseti. Mér þykir ótrúlegt að iðnn. taki 265.000 viðtöl við þjóðina (Gripið fram í.) Hins vegar getur þjóðin --- ef ég má fá hljóð --- notað þessa heimasíðu til þess að koma skriflegum athugasemdum á framfæri við nefndina. Ég kalla það að almenningur hafi aðgang að nefndinni. Stjórnarandstaðan getur kallað það hvað sem hún vill en ég tel þetta aðgang í samræmi við nútímatækni og samræmi við nútímasamskiptamáta. Fjöldinn allur af fólki hefur samband t.d. við mig sem þingmann á netinu og ég svara þeim fyrirspurnum sem koma. Það er nútímalegt.
