[prenta uppsett í dálka] 29. fundur, 125. lþ.
Kolbrún Halldórsdóttir (andsvar):
Herra forseti. Nú stendur yfir vinna við rammaáætlun ríkisstjórnarinnar um mat á virkjanakostum og forgangsröðun þeirra til framtíðar.
Virðulegi forseti. Ég skora á hæstv. iðnrh. --- eflum nú trú þjóðarinnar á því starfi og fellum Fljótsdalsvirkjun undir rammaáætlunina.
Virðulegi forseti. Ég skora á hæstv. iðnrh. --- mörkum þjóðinni sjálfbæra orkustefnu. Frummatsskýrsla um 480 þús. tonna álver á Reyðarfirði liggur nú fyrir. Frestur til að skila athugasemdum rennur út á morgun.
Virðulegi forseti. Ég skora á hæstv. iðnrh. að beita sér fyrir því að sá frestur verði lengdur. Stutt er í að frummatsskýrsla vegna línulagna Fljótsdalsvirkjunar verði tilbúin til kynningar.
Virðulegi forseti. Ég skora á hæstv. iðnrh. að bíða eftir henni og ég skora á hæstv. iðnrh. að sjá til þess að öll þessi stóra framkvæmd fari saman í einum pakka í lögformlegt mat á umhverfisáhrifum.
