[prenta uppsett í dálka] 34. fundur, 125. lþ.
Sighvatur Björgvinsson (andsvar):
Hæstv. forseti. Ég þakka hæstv. forsrh. jákvæð viðbrögð. Ég held að málið sé einfaldlega að reyna að meta hvort sé hagstæðara fyrir framgang málsins á þinginu, að efna til sérstakrar umræðu um þessa skýrslu eða ræða hana undir þessum dagskrárlið. Fljótt á litið sýndist mér að það yrði einfaldlega tímasparnaður að efna ekki til sérstakrar umræðu um málið en ég læt það að sjálfsögðu í vald hæstv. forseta, e.t.v. í samráði við hæstv. forsrh. og formenn þingflokka, að dæma um það.
