[prenta uppsett í dálka] 36. fundur, 125. lþ.
Viðskiptaráðherra (Finnur Ingólfsson):
Herra forseti. Það liggur fyrir eins og fram kom í umræðunum á föstudaginn að engar ákvarðanir hafa verið teknar í þessum efnum. Það að eitthvað gerist á árinu 2000, það getur svo margt gerst á því ári og útilokað að segja til um það í árslok 1999 hvað muni gerast á íslenskum fjármagnsmarkaði á þeim 365 dögum sem fram undan eru. Í þeim efnum er útilokað að fullyrða nokkuð.
Ég vonast til að ég og hv. þm. séum sammála um að það sem skiptir meginmáli er að ná fram hagræðingu í bankakerfinu sem hefur það að meginmarkmiði að draga úr kostnaði og lækka vexti í landinu þannig að við getum boðið landsmönnum og fyrirtækjunum í landinu sambærilega fjármálaþjónustu og fólk og fyrirtæki í löndunum í kringum okkur býr við.
