Forseti (Halldór Blöndal):
Borist hefur svohljóðandi bréf:
,,Þar sem Gísli S. Einarsson, 5. þm. Vesturl., getur ekki sótt þingfundi á næstunni vegna veikinda leyfi ég mér, með vísan til 2. mgr. 53. gr. þingskapa, að óska þess að 1. varaþingmaður Samfylkingarinnar í Vesturl., Dóra Líndal Hjartardóttir tónmenntakennari, taki sæti á Alþingi í fjarveru hans.
Þetta er yður hér með tilkynnt, herra forseti.
Jóhann Ársælsson,
varformaður þingflokks Samfylkingarinnar.``
Kjörbréf Dóru Líndal Hjartardóttur hefur þegar verið rannsakað og samþykkt en hún hefur ekki áður tekið sæti á Alþingi og ber því að undirrita drengskaparheit að stjórnarskránni.