Össur Skarphéðinsson:
Herra forseti. Hér er verið að leggja til að veita 5 milljarða til viðbótar við það sem þegar liggur fyrir að greitt verði vegna heilbrigðisþjónustu og það er auðvitað ekki hægt að leggjast gegn því og leggja þannig í rauninni til að þessar stofnanir verði stöðvaðar. Hins vegar liggur fyrir skýrsla frá ríkisendurskoðanda sem er einn samfelldur áfellisdómur yfir stjórn þessa málaflokks. Það liggur fyrir samkvæmt skýrslu Ríkisendurskoðunar að í maí sl. vissu menn hvert stefndi. Þá stefndi í grófa framúrkeyrslu meira en 100 stofnana og það var aldrei brugðist við, herra forseti. Þess vegna verður ríkisstjórnin sjálf að bera ábyrgð á þessu. Við sitjum hjá við þessa liði.