[prenta uppsett í dálka] 42. fundur, 125. lþ.
Sigríður Jóhannesdóttir:
Hæstv. forseti. Það frv. sem hér er verið að samþykkja um sölu á 15% af hlutfé Landsbanka og Búnaðarbanka er afgreitt í skugga þeirrar umræðu að fyrirhugaður sé samruni Íslandsbanka og Landsbanka á næstunni. Ég hef þá bjargföstu skoðun að hér eigi áfram að vera einn öflugur banki að meiri hluta í eigu ríkisins, Landsbankinn, og greiði því ekki atkvæði með þessari hlutafjársölu sem mun greiða fyrir þessum samruna og sem mun gera hlut ríkisins í Landsbanka rýrari við slíkan samruna.
