Ásta Möller (andsvar):
Virðulegi forseti. Það er ekki rétt að samið hafi verið samið um 10--12%, sem mér heyrðist hv. þm. nefna. Hið rétta er að samningar við háskólamenn áttu á samningstímabilinu að kosta 22,5%. Í skýrslu Ríkisendurskoðunar kemur fram að launakostnaður hjúkrunarfræðinga á þessu tímabili hafi aukist um 37,5%. Það sem á vantar voru samningar sem ég undirritaði, hvert einasta prósent.
Annað varðandi starfsemi og rekstur heilbrigðisstofnana. Ég fullyrði að mikils aðhalds er gætt í rekstri þessara stofnana. Mikill tími stjórnenda fer í að gera tillögur til þess að finna leiðir til að halda rekstrinum í réttu horfi. Aðstæður eru mjög erfiðar og skortur á starfsfólki sem þýðir mikla yfirvinnu.