Jón Bjarnason:
Herra forseti. Hér er verið að greiða atkvæði um verulega fjárhagslega viðbót til heilbrigðis- og sjúkrahúsmála sem við í þingflokki Vinstri hreyfingarinnar -- græns framboðs fögnum í sjálfu sér. Hins vegar vekjum við athygli á því að það er ekki nærri því allt komið fram varðandi kostnaðarliði á þessum málaflokki. Ég vil þar benda á verðbætur, ég vil þar benda á að kjarasamningar stórs hluta starfsfólks á þessum stofnunum eru lausir þannig að við óttumst, herra forseti, að meira eigi eftir að koma fram. Við fögnum því sem vel er gert en sitjum hjá.