[prenta uppsett í dálka] 46. fundur, 125. lþ.
Jón Kristjánsson:
Herra forseti. Það er aðeins eitt atriði sem ég vildi láta koma fram varðandi dagsetninguna sem er í þingsköpum. Við eigum auðvitað að hafa þann metnað fyrir störf þingsins að halda þær dagsetningar og setja okkur það og aðrar stofnanir í þjóðfélaginu verða að miða starf sitt við að umræðna fari fram 15. desember. Ljóst er að það hafa kannski ekki allir áttað sig á því að við mundum standa við þessa dagsetningu núna en það liggur þá ljós fyrir sá vilji okkar að hafa þann metnað fyrir þingið og hafa þann aga í störfum þingsins að þessu leyti og ég vil stuðla að því að svo verði áfram.
