[prenta uppsett í dálka] 46. fundur, 125. lþ.
Félagsmálaráðherra (Páll Pétursson) (andsvar):
Langmest af ráðstöfunarfé Framkvæmdasjóðs fatlaðra gengur til framkvæmda, þ.e. til byggingarmála. Þar á meðal er hluti, nokkur fjárhæð sem gengur til aðgengismála. Ég dreg verulega í efa frásagnir hv. þm. um skerðingarnar, ég held að hún fari ekki með nákvæmar tölur. En ég get upplýst eina tölu til viðbótar. Þegar ég kom í félmrn. var varið 192 millj. til fjárfestinga úr Framkvæmdasjóði fatlaðra. Á árinu 2000 verða þetta þó orðnar 235 millj. kr. þrátt fyrir allar skerðingarnar.
