Frsm. 2. minni hluta fjárln. (Jón Bjarnason) (andsvar):
Herra forseti. Það hefur margkomið fram í ræðum mínum að þessi greiðslustaða er dýrkeypt. Auðvitað er nauðsynlegt að reka ríkissjóð með góðum afgangi en það verður að vera á réttum forsendum, ekki á eyðsluforsendum. Þá ber að reyna að verja þeim fjármunum til aðgerða sem draga úr þenslu og styrkja bæði innviði þjóðfélagsins og atvinnuvegina til lengri tíma, t.d. með fjárfestingum í byggðamálum úti um land þar sem ekki er þensla. Þenslan er fólgin í því að fólk flytur hingað.
Á öðru atriði vil ég vekja athygli, herra forseti. Hann minntist ekki heldur á það að skuldastaða heimila hefur vaxið og er nú 144% af ráðstöfunartekjum þeirra.