[prenta uppsett í dálka] 47. fundur, 125. lþ.
Jóhann Ársælsson:
Herra forseti. Á þskj. 413 flytjum við þingmenn Samfylkingarinnar, Svanfríður Jónasdóttir, Jóhann Ársælsson, Sighvatur Björgvinsson, Ásta Ragnheiður Jóhannesdóttir, Lúðvík Bergvinsson og Bryndís Hlöðversdóttir tillögu um kostnaðargreiðslur í sjávarútvegi. Þar kemur fram að með þeirri tillögu, ef hún verður samþykkt, fást tekjur sem svara til 750 millj. Tilgangurinn með þessari tillögu er að hverfa frá ríkisstyrkjum í sjávarútvegi. Upphæðirnar taka mið af skýrslu sem var unnin um samanburð á styrkjum í sjávarútvegi hér, í Noregi og í Kanada. Síðan leggjum við fram tillögur um að þessar tekjur renni til Hafrannsóknastofnunar, Rannsóknastofnunar fiskiðnaðarins og Fiskistofu í samræmi við þann kostnað sem fellur til vegna vinnu fyrir útgerð á Íslandi. Það hafa öll stærstu stjórnmálaöflin í landinu lýst yfir stuðningi við þetta fyrirkomulag með ýmsum hætti á undanförnum árum og þess vegna teljum við fulla ástæðu til að flytja þessa tillögu.
