Ásta R. Jóhannesdóttir:
Herra forseti. Þingmenn hafa fellt þá tillögu sem við lögðum til um hækkun á tekjutryggingu til aldraðra í góðærinu. Hér erum við að greiða atkvæði um hækkun á tekjutryggingu til örorkulífeyrisþega. Við vitum hvernig staðan er hjá öryrkjum. 43% öryrkja hafa engar aðrar tekjur en almannatryggingarnar fyrir sig að leggja. Börn öryrkja geta ekki tekið þátt í samfélaginu vegna þess hve bág kjör eru á heimilum öryrkja.
Herra forseti. Ég skora á þingmenn að leggja sitt lóð á vogarskálarnar og greiða þessari tillögu atkvæði sitt þannig að öryrkjar fái skárri kjör en þeir búa við í dag. Við eigum ekki að líða það að fólk þurfi að sækja til hjálparstofnana og líknarfélaga til þess að hafa í sig og á. Ég segi já.