Kolbrún Halldórsdóttir:
Herra forseti. Hér finnst mér vera undarlegar ráðstafanir á ferðinni. Hollustuvernd ríkisins sætir lækkun á sértekjum um 2 millj. kr. vegna lækkunar á tekjum við mengunarvarnir. Satt að segja, herra forseti, hefði maður haldið að stofnuninni yrði bætt upp þessi lækkun á tekjum um 2 millj. Nei, það er ekki gert. Samkvæmt þessu er stofnuninni gert að lækka útgjaldaliði sína um 2 millj. á móti. Mér finnst þetta skrýtin ráðstöfun, herra forseti. Þetta er stofnun sem er þegar í fjársvelti og á það sannarlega skilið þegar sértekjurnar lækka að fá þá uppbót úr ríkissjóði. Ég segi nei.