[prenta uppsett í dálka] 47. fundur, 125. lþ.
Pétur H. Blöndal (andsvar):
Herra forseti. Við hv. þm. stöndum oft frammi fyrir því að þurfa að velja lítil skref eða engin skref. Þetta er lítið skref og ég fellst á það þess vegna. Ég veit að það hefur ekki komið fram nein tillaga um að fella þetta allt niður þannig að ég styð þetta litla skref í átt til betra skattkerfis, frá því að vera reglugerðarheimild ráðherra sem háð er duttlungum hans, yfir í að vera lög frá Alþingi. Ég styð þá breytingu og styð frv. að því leyti. Hins vegar mundi ég gjarnan vilja sjá allar þessar undanþágur felldar niður.
