Ögmundur Jónasson (andsvar):
Herra forseti. Ég vildi spyrja hv. þm. Arnbjörgu Sveinsdóttur hvort hún telji að þær breytingar sem verið er að gera á Byggðastofnun verði til þess að snúa byggðaþróuninni við. Hún gerir ýmsar alvarlegar athugasemdir við frv. og setur fram áhugaverðar vangaveltur, t.d. varðandi skipan í stjórnina og hin þröngu tengsl við iðnrn. Er hún mér sammála um að heppilegra hefði verið að efla Byggðastofnun sem sjálfstæða, kröftuga stofnun í stað þess að þrengja sjónarhornið og færa hana alfarið undir eitt atvinnumálaráðuneytanna?