[prenta uppsett í dálka] 48. fundur, 125. lþ.
Frsm. allshn. (Valgerður Sverrisdóttir):
Hæstv. forseti. Ég mæli fyrir nál. á þskj. 438 um frv. til laga um breytingu á lögum nr. 36/1986, um Seðlabanka Íslands, með síðari breytingum. Nál. er frá allshn.
Nefndin hefur fjallað um málið og fengið á sinn fund Eirík Guðnason frá Seðlabanka Íslands.
Frv. þetta er flutt í samræmi við þá ákvörðun ríkisstjórnarinnar, sbr. stefnuyfirlýsingu ríkisstjórnarinnar frá 28. maí 1999, að endurskoða lög um Stjórnarráð Íslands, skipan ráðuneyta og verkefni þeirra á kjörtímabilinu. Með frv. er yfirstjórn Seðlabanka Íslands flutt frá viðskrn. til forsrn. sem ráðuneytis efnahagsmála.
Nefndin mælir með því að frv. verði samþykkt óbreytt.
Undir nál. ritar öll allshn. án fyrirvara.
