[prenta uppsett í dálka] 51. fundur, 125. lþ.
Rannveig Guðmundsdóttir:
Herra forseti. Hér er stórmál til afgreiðslu sem klofið hefur þjóðina í tvo hluta. Tekist er á um vinnubrögð. Forsenda þess að ná megi sátt um þessa framkvæmd er að fram fari umhverfismat. Þess vegna flytur Samfylkingin þessa sáttatillögu og hefur reynt í málflutningi sínum að ná um hana stuðningi.
Tillagan er í raun viðauki við tillögu ríkisstjórnarinnar um að enda hefjist framkvæmdir ekki nema að fengnu jákvæðu mati á umhverfisáhrifum framkvæmdanna samkvæmt ákvæðum laga nr. 63/1993. Það hefði verið sómi Alþingis að segja já við þessari tillögu. Ég harma viðbrögð stjórnarsinna. Ég segi já.
