[prenta uppsett í dálka] 51. fundur, 125. lþ.
Ólafur Örn Haraldsson:
Hæstv. forseti. Með virkjun Jökulsár í Fljótsdal verður spillt gríðarlega miklum náttúruverðmætum sem aldrei verða aftur fengin. Verndun íslenskrar náttúru, ekki síst náttúruperlna á hálendi landsins, er eitt brýnasta verkefni í umhverfismálum Íslendinga. Við berum ekki aðeins ábyrgð á íslenskri náttúru, heldur ber okkur einnig að gæta þeirra verðmæta vegna komandi kynslóða.
Mat á umhverfisáhrifum Fljótsdalsvirkjunar samkvæmt lögformlegu ferli tryggir að fullnægjandi rannsóknir fari fram og mat óháðra sérfræðinga verði lagt fram. Enn fremur verði þá betur kannaðir aðrir virkjunarkostir, lagaóvissu eytt og áhrif á byggðir og mannlíf verði ljósari. Því styð ég að Fljótsdalsvirkjun fari í mat á umhverfisáhrifum og segi já.
