Guðjón Guðmundsson:
Herra forseti. Hér er á ferðinni langstærsta byggðamál sem rekið hefur á fjörur Alþingis í háa herrans tíð. Fljótsdalsvirkjun og álver í Reyðarfirði mun stöðva fólksfækkun á Austurlandi, auka fjölbreytni atvinnulífsins og skapa mikinn fjölda nýrra starfa. Ég minni á eindreginn vilja íbúa Austurlands sem speglast í ályktun sveitarstjórnarmanna á svæðinu sem samþykktu með 41:2 atkvæðum að mæla með þessum framkvæmdum. Ég styð þennan eindregna vilja heimamanna og segi já.