Ásta R. Jóhannesdóttir:
Herra forseti. Hér eru stjórnvöld að þröngva þessu umdeilda máli í gegnum þingið eftir að sýnt hefur verið fram á að rannsóknum er áfátt, verið er að brjóta alþjóðasamninga, óvissa er um lögmæti og stjórnvöld hafa ekki hrakið rök og staðhæfingar óháðra hagfræðinga um að tap verði á virkjuninni.
Hér er verið að staðfesta að framin verði óbætanleg náttúruspjöll á einstöku landsvæði á hálendi okkar. Samþykkt þessa mun hafa meiri og alvarlegri afleiðingar en nokkurn órar fyrir. Ég segi nei.