[prenta uppsett í dálka] 57. fundur, 126. lþ.
Heilbrigðisráðherra (Ingibjörg Pálmadóttir) (andsvar):
Virðulegi forseti. Með nútímatækni geta allir nefndarmenn í heilbr.- og trn. fylgst með umræðunni án þess að sitja í salnum og ég býst við að flestir séu að fylgjast með henni vegna þess að þetta er umræða sem heilbrigðis- og tryggingarnefndarmenn hafa almennt sýnt mikinn áhuga.
Ég hef ekki neinu að bæta við það sem áður hefur komið fram því ég tel að málið sé hér með komið í hendur heilbr.- og trn. og um leið og því er vísað þangað er hægt að taka fyrir þau atriði sem hér hafa verið rædd sérstaklega og gerðar athugasemdir við.
