Rannveig Guðmundsdóttir (um atkvæðagreiðslu):
Herra forseti. Það er alveg ljóst að það frv. sem hér liggur fyrir gengur á svig við nýfallinn dóm Hæstaréttar. Þetta er brot á stjórnarskrá. Við erum búin að ræða þetta mál í tvo daga og höfum fært fyrir því sterk rök. Þetta mál hefur verið tekið fyrir á ábyrgð meiri hluta. Þetta mál er á ábyrgð stjórnarmeirihlutans og við munum þess vegna ekki skipta okkur af því með hvaða hætti greidd eru atkvæði um að það fari til nefndar og sitjum hjá við þá atkvæðagreiðslu.