[prenta uppsett í dálka] 63. fundur, 126. lþ.
Ögmundur Jónasson (andsvar):
Herra forseti. Þetta eru engir útúrsnúningar. Tekjutrygging öryrkja er 32.566 kr. á mánuði hverjum. Hér erum við að ræða frv. sem gerir ráð fyrir því að þessi tekjutrygging verði færð niður í 25 þús. kr. Tekjutryggingin byrjar að skerðast þegar makinn hefur 134.280 kr. á mánuði og staðreyndin er sú að tekjutryggingin er færð niður.
Eru það kannski líka útúrsnúningar að ríkisstjórnin ætli að beita ströngustu fyrningarákvæðum í lögum til að hafa réttmætar greiðslur til öryrkja? Er það líka útúrsnúningur? Ég spyr eftir hinum pólitísku, siðferðilegu röksemdum sem fulltrúar Sjálfstfl. og málsvarar ríkisstjórnarinnar í þessu hneykslismáli ætla að beita fyrir sig í þessu efni.
