Einar Oddur Kristjánsson (andsvar):
Herra forseti. Lögin eru alveg skýr. Ég skal lesa klásúluna úr 65. gr. aftur. Þar segir:
,,Ákvörðun þeirra skal taka mið af launaþróun, þó þannig að þær hækki aldrei minna en verðlag samkvæmt vísitölu neysluverðs.``
Þetta hefur staðist nákvæmlega --- það liggja allar sannanir fyrir því. Ég get sýnt fram á það með öllum opinberum tölum --- launaþróunin í landinu og þróun bóta almannatrygginga, nákvæmlega. Það hefur ekki reynt á seinni part setningarinnar, ,,þó aldrei lægri en neysluvísitala``, þ.e. þau fyrirheit sem þar eru að hækki launaþróun minna en neysluverðið, þ.e. að kaupmátturinn rýrni, þá skal kaupmáttur lífeyrisgreiðslna ekki rýrna. Það hefur ekki reynt á það vegna þess að það hefur verið stöðug aukning kaupmáttar.