Utanríkisráðherra (Halldór Ásgrímsson) (andsvar):
Herra forseti. Svarið við þessari spurningu er já vegna þess að það eru ekki eingöngu við sem þurfum að framfylgja samningi um flóttamenn á vegum Sameinuðu þjóðanna, það eru öll þau ríki sem hér eiga hlut að máli, þ.e. aðildarríki Evrópusambandsins og Noregur. Það gildir því jafnt um þessi ríki. Sá samningur sem hér um ræðir og við höfum skrifað undir gengur á engan hátt gegn flóttamannasamningi Sameinuðu þjóðanna og að mínu mati fer þetta algjörlega saman.