Steingrímur J. Sigfússon:
Herra forseti. Ég ætlaði að spyrja hvar 1. flm. þessa máls er niðurkominn. Ég hefði áhuga á að eiga orðastað við þann hv. þm. Mér finnst nú lágmarksskylda þeirra sem vilja þoka málum sínum áleiðis að þeir séu viðstaddir umræður. Ég held ég neyðist til að fara fram á ...
(Forseti (ÁSJ): Forseti mun láta athuga með 1. flm.)
Ég held ég verði að fara fram á að fá að gera hlé á máli mínu þangað til hv. þm. Gunnar Birgisson kemur. Ég ætlaði að ræða við hann sem ábyrgðarmann þessa máls nokkur atriði sem lúta að formlegum þáttum þess, þar á meðal að það skuli endurflutt hér í algjörlega óbreyttri mynd sem var felld í atkvæðagreiðslu hér á síðasta þingi.
(Forseti (ÁSJ): Forseti telur ástæðu til þess að gera tveggja mínútna hlé á fundinum og freista þess að fá framsögumann málsins í hús.)