Halldór Blöndal (andsvar):
Herra forseti. Hv. þm. talar um drastísk viðbrögð. Ég skil ekki alveg samhengið og átta mig ekki alveg á þessari lýsingu enda sá ég ekki sjálfan mig hér í þessum ræðustól.
Hv. þm. talar um að lagaráð eigi að tryggja að löggjöf sé í samræmi við stjórnarskrá og alþjóðasamninga. Hugsar þá hv. þm. sér að lagaráð hafi frumkvæði að lagasetningu í þinginu? Er það það sem hv. þm. á við?