Viðskiptaráðherra (Valgerður Sverrisdóttir) (andsvar):
Hæstv. forseti. Þetta mál er um það bil að fara úr mínum höndum og yfir til nefndar. Ef ég þekki rétt til í efh.- og viðskn. þá verður engum vandkvæðum bundið að fá þar upplýsingar sem hv. þm. óska eftir. Ég tel því alveg ljóst að í nefndinni munu fást svör við því sem hv. þm. spyr um og þá er síðan að vinna þetta mál í tengslum við það frv. sem hæstv. fjmrh. mun mjög fljótlega mæla fyrir.