[prenta uppsett í dálka] 81. fundur, 126. lþ.
Pétur H. Blöndal (andsvar):
Herra forseti. Þetta eru að einhverju leyti svipaðar hugmyndir og við ræðum hérna en í þessu felst ákveðinn vandi. Eru það öll sveitarfélög sem eiga að fá þetta, og þá í hlutfalli við íbúafjölda eða hvernig verður það? Á Reykjavík að fá stóran hluta til sín? --- Nú er hv. þm. horfinn úr salnum og getur því ekki svarað en hann kemur kannski í umræðuna á eftir.
En ég hef athugasemdir við að það sé sett sem skilyrði að aflanum sé landað á einhverjum stað vegna þess að við erum komin með það gott flutningskerfi að það er hægt að landa aflanum á einum stað á landinu og flytja hann svo bara á hinn endann á landinu. Þess vegna er það engin trygging fyrir því að aflinn komi viðkomandi sveitarfélagi að gagni eða nýtist því þó að aflanum sé landað þar eins og gert er ráð fyrir í því frv. sem við ræðum hér.
