[prenta uppsett í dálka] 82. fundur, 126. lþ.
Félagsmálaráðherra (Páll Pétursson) (andsvar):
Herra forseti. Það er hverju orði sannara að ekki hefur enn tekist að koma fjárhag allra sveitarfélaga í lag. Sem betur fer hefur mörgum þeirra tekist að ná valdi á fjármálum sínum og með breyttum sveitarstjórnarlögum hafa verið sköpuð skilyrði til þess að fylgjast betur með og aðstoða þau betur við að ná stjórn á fjármálunum.
Það er náttúrlega fjarri lagi að kenna kvótakerfinu um fólksfækkun á landsbyggðinni. Það hefur fækkað á Siglufirði þó að enginn kvóti hafi verið seldur þaðan heldur keyptur þangað kvóti. Það hefur fækkað í Vestmannaeyjum þó að Vestmanneyingar eigi tíunda part af öllum kvóta landsmanna.
