Félagsmálaráðherra (Páll Pétursson) (andsvar):
Herra forseti. Því miður er þessi vandi fyrir hendi í sumum sveitarfélögum. Sem betur fer er þetta ekki stórt vandamál nema í tiltölulega fáum sveitarfélögum. Fari maður um landið þá eru auðar íbúðir ekki nein meginregla. Þær eru á nokkrum stöðum og margar á örfáum stöðum en það er hins vegar ekki meginvandinn alls staðar.