[prenta uppsett í dálka] 87. fundur, 126. lþ.
Viðskiptaráðherra (Valgerður Sverrisdóttir) (andsvar):
Hæstv. forseti. Ég vildi að flokksbróðir hv. þm., Kristján L. Möller, hefði verið í þingsalnum til þess að hlusta á formanninn sinn þegar formaðurinn kallar það að spreða fé út um landið ef lánveitingar eru veittar til landsbyggðarinnar. Þetta er sem sagt stefna Samfylkingarinnar í sambandi við byggðamál og landsbyggð. Það er ekkert nýtt að ég vilji styrkja Byggðastofnun. Ég hef látið það koma fram oft og mörgum sinnum, bæði hér í þinginu og annars staðar í opinberri umræðu.
