[prenta uppsett í dálka] 89. fundur, 126. lþ.
Jón Bjarnason:
Herra forseti. Ég vil láta það koma skýrt fram og árétta að ég tel afar mikilvægt að við uppgjör á kostnaði og endurbyggingarstarfi á Suðurlandi eftir jarðskjálftana verði staðið við þau fyrirheit sem voru gefin um að einstaklingar sem lentu þar í tjóni gætu haldið áfram lífi sínu og starfi og búsetu eftir að endurbætur hafa verið unnar án þess að bíða af því fjárhagslegt tjón. Ég legg ég áherslu á að við þetta verði staðið og þó svo að menn geti verið að leita eftir hinum ýmsu formgöllum eða ágöllum sem fólgnir eru í hinum ýmsu matsaðferðum eignarinnar var það ætlunin að eigendur gætu fengið sinn hlut bættan vegna þessara náttúruhamfara og okkur ber skylda til þess að gera það.
