Jón Bjarnason (andsvar):
Herra forseti. Hv. þm. er náttúrlega á flótta og reynir að finna einhverja skýringu á þessum flumbrugangi í vinnubrögðum sínum. Ég lái honum það ekki. Til þess að það sé alveg ljóst þá var hv. þm. Árni Steinar Jóhannsson, fulltrúi Vinstri grænna í iðnn., kallaður til skyldustarfa á Ísafirði um þetta leyti. Í sjálfu sér datt engum í hug að mál væri tekið fyrir í nefnd áður en því væri vísað þangað frá þinginu.
Eins og hv. þm. Árni Steinar Jóhannsson hefur gert grein fyrir hefur hann skrifað upp á nál. með fyrirvara. Ég bendi hins vegar á að verði þetta viðtekin vinnuregla, eins og mér heyrist hv. þm. tala kæruleysislega um, þá vil ég að hæstv. forseti minni á hver hin þinglega meðferð mála er. Það veitir ekki af að árétta það gegnvart hv. þm.
(Forseti (ÍGP): Forseti vill taka fram að það var full samstaða í iðnn. um að afgreiða málið með þessum hætti. Forseti vill einnig taka það fram að dagskrá var send út svo sem vant er þannig að öllum átti að vera ljóst hvaða mál voru á dagskrá þessa fundar.)