Guðmundur Hallvarðsson (andsvar):
Herra forseti. Ég hef fundið góða strauma á milli mín og hv. þm. Lúðvíks Bergvinssonar á fundum samgn. um ýmis góð mál. Ég efa ekki að þegar við sjáumst á haustdögum og setjumst í samgn. þá munum við meta hvernig til hefur tekist, hvað fram undan er og hvort þörf sé á frekara fjármagni, þá munum við auðvitað standa saman um það.
Ég vildi svo aðeins segja að það er þó eitt sem sker á milli mín og hans í þessu máli, þ.e. að hann vonast til að nýr samgrh. verði kominn eftir þetta kjörtímabil og þar skilja leiðir okkar. Ég tel að svo muni ekki verða.