Þuríður Backman:
Með hliðsjón af því að í frv. þessu er gerð réttarbót fyrir ákveðinn hóp ellilífeyrisþega þá leggst þingflokkur Vinstri hreyfingarinnar -- græns framboðs ekki gegn afgreiðslu þess. En í ljósi þeirra ágalla sem tíundaðir hafa verið í nál., þ.e. að ekki var að fullu afnumin skerðing tekjutryggingar og að í öðru lagi voru bætur ekki greiddar aftur í tímann þá munum við sitja hjá við afgreiðslu málsins og vísum allri ábyrgð á lagasetningunni á hendur ríkisstjórninni.