[prenta uppsett í dálka] 97. fundur, 126. lþ.
Svanfríður Jónasdóttir (andsvar):
Herra forseti. Hér er vissulega um heimildarákvæði að ræða, sem gerir það að verkum að sparisjóðirnir geta í framtíðinni, ef þeir svo kjósa, breytt frá reglunni sem hæstv. ráðherra las hér upp, um sveitarstjórnir og stofnfjáreigendur eða fulltrúa þeirra í stjórnum sparisjóðanna.
Ég stend hins vegar við það sem ég sagði áðan. Samþykktum einhverra sjóða hefur á undanförnum árum verið breytt þannig að það er ekki lengur um það að ræða að sveitarstjórnir eða héraðsnefndir skipi fulltrúa. Það er auðvitað sjálfsagt að það verði skoðað betur í nefndinni ef ekki liggja fyrir upplýsingar um það. En mínar upplýsingar segja að svo sé. Ég hélt satt að segja að upplýsingar lægju fyrir um það.
